Türkiyəli keçmiş milli basketbolçu İbrahim Kutluayın idmançı oğlu Ömər Kutluay qatıldığı tədbirdə aktyor Burak Özçivitə göstərdiyi davranışla sosial şəbəkələrdə geniş müzakirəyə səbəb olub. Medianews.az xəbər verir ki, tədbir zamanı qarşılaşdığı qonaqları səmimi şəkildə qucaqlayan Ömər Kutluayın Burak Özçivitlə sadəcə əl sıxaraq kifayətlənməsi diqqət çəkib. Sosial mediada yayılan görüntülər qısa müddətdə trendə çevrilib və istifadəçilər arasında müxtəlif təxminlərə yol açıb.
Hər iki tərəf hadisə ilə bağlı hələlik heç bir açıqlama verməyib. Tədbirin məqsədi və iki məşhur sima arasında hər hansı gərginlik olub-olmaması da hələlik məlum deyil. Medianews.az