Arif Babayev xəstəxanaya yerləşdirildi

Xalq artisti Arif Babayev xəstəxanaya yerləşdirilib. Bu haqda Teleqraf-a xalq artistinin oğlu Yaşar Babayev məlumat verib. “Atam iki gündür ki, Mərkəzi Klinikaya yerləşdirilib. Səhhətində kiçik problem yaranıb. İnşallah, bir neçə günə xəstəxanadan evə buraxılacaq”,-deyə Y. Babayev məlumat verib. Qeyd edək ki, bu gün Prezident İlham Əliyevin sərəncamı ilə Xalq artisti Arif Babayev Heydər Əliyev Mükafatına layiq görülüb.