Prezident təqaüdçüsü məktəblərdə mobil telefona yasaq qoymağa çağırdı

Prezident təqaüdçüsü, əməkdar jurnalist, professor Qulu Məhərrəmli orta təhsil müəssisələrində şagirdlərin mobil telefondan istifadəsini yasaqlamağa çağırış edib. Q.Məhərrəmli Medianews.az-a açıqlamasında deyib ki, bir sıra xarici ölkələrdə şagirdlərin orta məktəbə mobil telefonla girişi yasaqdır: “Onlar məktəbə daxil olanda telefonlarını təhvil verir, bir də məktəbdən çıxanda götürə bilirlər. Bu həftə Finlandiya parlamenti də məktəblərdə mobil telefonlardan istifadəni məhdudlaşdıran qərar qəbul edib. Tədrisin, qavramanın effektivliyi baxımından bu cür qərarları doğru hesab edirəm. Bizdə də belə bir addıma ehtiyac var. Azərbaycanın orta məktəblərində mobil telefonlardan istifadə yasaq olunmalıdır”. Toğrul Əli, Medianews.az