İndoneziyada iki gündə ikinci təbii fəlakət: Bu dəfə zəlzələ oldu

İndoneziyada, Sulavesi adası sahillərində 5.6 maqnitudalı zəlzələ qeydə alınıb. Oxu.Az-ın məlumatına görə, bu barədə ABŞ Geoloji Xidməti (USGS) məlumat verib. Məlumata görə, yeraltı təkanlar təxminən 10 min nəfərin yaşadığı Modisi şəhərindən 46 km cənub-şərqdə baş verib. Ocaq 10 km dərinlikdə yerləşib. Xəsarət alanlar və dağıntılar barədə məlumat verilməyib. Xatırladaq ki, dünən İndoneziyanın mərkəzi hissəsində Şərqi Yava əyalətində Semeru vulkanı püskürmüşdü.