Timsah kişini parçaladı

Hindistanda timsah çaya çimmək üçün gedən 32 yaşlı kişini parçalayıb. Medianews.az xəbər verir ki, faciə Maharaştra ştatında baş verib. Ajit Anil Qaykvad aprelin 1-də Krişna çayına çimmək üçün gedib və evə qayıtmayıb. Qohumları onun yalnız çay sahilində uzanmış paltar və ayaqqabılarını tapıblar. Çərşənbə günü səhər mərhumun əmisi oğlu Avinaş itkin düşmüş şəxslə bağlı polisə şikayət edib. Cəsəd aprelin 2-də tapılıb. Polis qalıqları sahil çəmənliyində tapıb. Kişinin timsahın hücumuna məruz qalarkən üzdüyü güman edilir.Yarılma hesabatında deyilirdi ki, sürünənlərin dişlərindəki izlər kişinin əlində və üzündə tapılıb. Medianews.az