13 yaşlı oğlan məsciddə İNTİHAR ETDİ

Rusiyada 13 yaşlı oğlan məsciddə intihar edib. Medianews.az “Moskovskiy komsomolets”ə istinadən xəbər verir ki, yeniyetmənin meyiti gecə saatlarında, Moskvanın cənub-şərqində yerləşən məsciddə tapılıb. Onun cəsədini mühafizəçi məkana baxış keçirən zaman tualetdə tapıb. Bildirilir ki, oğlan daha əvvəl valideynləri ilə birlikdə namaz otağına baş çəkib. Ailə Tacikistanın yerli sakinləridir və mərhum ailənin böyük oğlu idi. Məlumtata görə, oğlan aktiv uşaq olsa da, son bir ayda onun davranışı dəyişib. O, qəribə hərəkətlər etməyə başlayıb və çox vaxt tualetdə keçirib. Yeddinci sinif şagirdi bunu səhhətindəki problemlərlə izah edib. Medianews.az