Qaynadılmış kartof artıq çəkiyə səbəb olurmu?

“Qaynadılmış kartofu pəhriz qidasına daxil etmək olar” Medianews.az xəbər verir ki, bunu diyetoloq İrina Pisareva deyib. O bildirib ki, məşhur inancın əksinə olaraq, kartof zərərli məhsul deyil, bir çox vitamin mənbəyidir. Pisarevanın sözlərinə görə, kartof tərkibindəki nişastaya görə zərərli sayılır. Bununla belə, kartof nişastası qan şəkərində kəskin sıçrayışlara səbəb olmadan yavaş-yavaş emal edilir. “Kartof aşağı kalorili məhsuldur, hər yüz qram məhsulda cəmi 80 kalori var. Bunun sayəsində qaynadılmış kartof hətta pəhriz qidasına daxil edilə bilər. Əgər kartofu çox yağda qızardsanız, yeməyin kalorisi çox olar”, - deyə diyetoloq qeyd edib. Medianews.az