Sevgililər günü hava necə olacaq?

Sevgililər günü kimi də tanınan fevralın 14-də hava necə olacaq? Medianews.az Ekologiya və Təbii Sərvətlər Nazirliyinə istinadla xəbər verir ki, Bakıda, Abşeron yarımadasında, o cümlədən bəzi rayonlarda arabir yağış yağacaq. Yarımadanın bəzi yerlərində yağıntı intensivləşə bilər. Dağlıq və dağətəyi ərazilərdə isə qar yağacağı gözlənir. Bəzi yerlərdə arabir duman olacaq. Bakıda və Abşeron yarımadasında şimal-şərq küləyi əsəcək, günün ikinci yarısında şimal-qərb küləyi ilə əvəzlənəcək. Havanın temperaturu gecə 2-4, gündüz 5-7 dərəcə isti olacaq. Rayonlarda qərb küləyi əsəcək, bəzi yerlərdə arabir güclənəcək. Havanın temperaturunun gecə 2 dərəcə şaxtadan 3 dərəcəyədək isti, gündüz 5-10 dərəcə isti, dağlarda gecə 8-13, gündüz 0-5 dərəcə şaxta olacağı bildirilir. Bəzi dağlıq rayonlarda yolların buz bağlama ehtimalı var.