Arvadını öldürüb hissələrə parçaladığını etiraf etdi, AZADLIĞA BURAXILDI  

Hindistanda arvadını öldürdüyünü və cəsədini parçaladığını etiraf edən kişi sərbəst buraxılıb. Medianews.az xarici mediaya istinadən xəbər verir ki, Haydarabaddan olan 45 yaşlı ordu zabiti, Qurumunti, həyat yoldaşı, 35 yaşlı Venkata Madhavinin yoxa çıxması ilə əlaqədar sorğu-sual zamanı cinayəti etiraf edib. Qadın yanvarın 16-da itkin düşüb. Qurumunti əvvəlcə mübahisədən sonra səhər evdən çıxdığını və həyat yoldaşını bir daha görmədiyini iddia edib. Polis küçə müşahidə kamerasının görüntülərinə baxdıqdan sonra onun yalan danışmaqda şübhəli olduğunu bildirib. Yeni dəlillərdən xəbər tutan adam hər şeyi etiraf edib Qurumunti deyib ki, mübahisənin qızğın vaxtında arvadını divara vurub. Onu ölü taparaq, cəsədi atmaq qərarına gəlib. Bunun üçün kişi mətbəx bıçağı ilə arvadını parçalayıb, sonra isə onun bədəninin parçalarını qaynadıb. Bütün qalıqlar şəhərin Mirpat gölünə atılıb. Etiraf etməsinə baxmayaraq, Gurumunti azadlıqda qalıb. Polis qadının qalıqları və ya digər birbaşa sübut tapmadığı üçün kişini həbsdə saxlaya bilməyib. Məhkəmə-tibb ekspertləri analiz üçün şübhəlinin mənzilindən bıçaq və qablar götürüblər. Cütlük 13 il idi ki, evli idi. İki uşaq böyüdüblər, yaşları göstərilmir.