Ağıllı insan olmağın 6 mənfi CƏHƏTİ

Son araşdırmalar yüksək intellektin həmişə anadangəlmə olmadığını və bu işdə ətraf mühit faktorlarının da təsirli olduğunu ortaya qoyub. Medianews.az xarici mediaya istinadən xəbər verir ki, mütəxəssislər, yüksək intellektin uğur və xoşbəxtlik gətirməsinin böyük bir yanlış təsəvvür olduğunu və ağıllı insanların tez-tez depressiya və narahatlıq kimi psixi sağlamlıq problemləri ilə qarşılaşmalı olduqlarını açıqladılar. Ağıllı insanlar gündəlik həyatın axarına qapılmaq əvəzinə, daha vacib və daha dərin məsələlər haqqında düşünürlər. Bu fikirlər insanı depressiyaya meyilli edə bilər. Ağıllı insanlar öz ağıllarının fərqindədirlər. Buna görə də, nə edirlərsə etsinlər, əsl potensiallarını reallaşdıra bilməyəcəklərini hiss edirlər. Bu mövzuda ətrafdakıların onlardan böyük gözləntilər qurması onların çiyinlərinə əlavə yük qoyur. Ağıllı fərdlərin həyatında tənhalıq, qəzəb və depressiya kimi hisslər daimidir. Məşhur yazıçı Ernest Heminquey bu vəziyyəti belə ümumiləşdirib: “Ağıllı insanların xoşbəxt olması tez-tez olmur”. Ağıllı insanlar daim narahatlıq vəziyyətində olurlar və sosial dairələri tərəfindən kifayət qədər başa düşülmürlər. Bu, onları tənha və küncə sıxışdıra bilər. Kanadalı elm adamları tərəfindən aparılan bir araşdırma, daha yüksək IQ səviyyəsinə malik olan tələbələrin narahatlıq səviyyəsinin daha yüksək olduğunu ortaya qoyub. Ağıllı insanlar şikayətlənirlər ki, bir çox insanlar öz hiss və düşüncələrinə biganədirlər. Onları həqiqətən başa düşən insanlarla qarşılaşdıqda, çox güman ki, tez bir zamanda əlaqə quracaqlar. Ancaq bu davranışdan çox vaxt məyus olurlar. Ağıllı insanlar çox vaxt özlərindən daha intellektli insanların xoşbəxt həyat sürdüklərini düşünür və onların qayğısız həyatlarını örnək alırlar. Ağıllı fərdlərin ən ümumi xüsusiyyətlərindən biri tənbəllikdir. Onların bir şey üçün səy göstərməyə gücləri yoxdur və cəhd etsələr də, çox vaxt başlarındakı narahat səsi susdura bilmirlər, bu da motivasiyalarının azalmasına səbəb ola bilər.