Almaniyanın paytaxtı Berlində səhər saatlarında dəhşətli hadisə baş verib.
Medianews.az xəbər verir ki, naməlum şəxs avtomobilini əvvəlcə yol kənarında duran kütlənin üzərinə sürüb. Daha sonra mağazaya daxil olaraq dayanıb.
Baş verən hadisədə 1 nəfər ölüb, 30 nəfər isə yaralanıb. Qəzadan sonra dərhal bölgəyə yanğınsöndürənlər, tibb işçiləri və polis göndərilib. Yaralılara sağlamlıq qrupları tərəfindən hadisə yerində tibbi yardım göstərilib. Daha sonra 10 yaralı xəstəxanaya çatdırılıb. Hadisə ilə əlaqədar dərhal araşdırma başlayıb. Polis qrupları sürücünün avtombili qəsdən kütlənin üzərinə sürüb-sürmədiyini müəyyən etməyə çalışır.
Hadisə şahidlərinin sözlərinə görə, sürücü avtomobili ilə əvvəlcə səkiyə çıxıb daha sonra yol kənarında duran insanların üzərinə sürüb. Təxminən 200 metr səkidə hərəkət edən nəqliyyat vasitəsi parfümeriya mağazasından içəri girərək dayanıb. Hadisə şahidləri bildiriblər ki, ətrafdakılar qaçan sürücünü tutub polisə təhvil veriblər. 60 yaşlı sürücü nəzarətə götürülüb.
Medianews.az