Viktor Yanukoviçin bəyanatı cəmi bir neçə dəqiqə çəkdi. O, Ukraynada baş verənləri “çevriliş” adlandırdı və Qərbi yeni hakimiyyəti dəstəkləməməyə çağırdı. Viktor Yanukoviç bəyan etdi ki, ABŞ Konqresi, Senatı və Ali Məhkəməsinə Ukraynada baş verənlərə hüquqi qiymət verilməsi üçün müraciət etmək niyyətindədir.
Viktor Yanukoviç bəyanatına özü barədə yayılmış şayiələrə münasibət bildirməklə başlayıb: “Mən sağam. Özümü yaxşı hiss etdiyimi deyə bilmərəm. Ukraynada baş verənləri narahatlıqla izləyirəm”.
***
Bu dəqiqələrdə Ukraynanın devrilmiş prezidenti Viktor Yanukoviç Rusiyanın Rostov şəhərində yeni açıqlama ilə çıxış edir. Mətbuat konfransı “VertolEkspo” sərgi mərkəzinin “Ametist” zalında təşkil olunub. Rusiyanın “RT” telekanalının yayımlayadığı brinfinqi canlı olaraq izləyə bilərsiniz.
Xatırladaq ki, ölkəni tərk etdikdən sonra V.Yanukoviç ilk dəfə mətbuat qarşısına fevralın 28-də Rostov şəhərində çıxıb. O zaman V. Yanukoviç Ukraynadakı böhranı fəlakat adlandıraraq Kiyev rəsmilərinə ölkədəki qanunsuzluqlara son qoymağa çağırıb və özünü qanuni prezident saydığını bəyan edib.
Bakupost.az