Xorvatiya millisinin yeni baş məşqçisinin kimliyi bəlli olub.
Medianews.az xəbər verir ki, insayder Nikola Şiranın yaydığı məlumata görə, yığmanı Slaven Biliç çalışdıracaq.
57 yaşlı mütəxəssislə 2028-ci ilə qədər müqavilə imzalanacaq.
Biliç 2006-2012-ci illərdə də Xorvatiya millisinə rəhbərlik edib. O, daha sonra "Beşiktaş", "Vest Hem", "Əl-İttihad", "Vest Bromviç", "Uotford", "Beytszin Qoan" və "Əl-Fateh" klublarında çalışıb. O, "Əl-Fateh"dən 2024-cü ilin yayında ayrılıb.
Qeyd edək ki, Xorvatiya millisi DÇ-2026-nın 1/16 finalında Portuqaliyaya 1:2 hesabı ilə uduzaraq mübarizəni dayandırmışdı. Bundan sonra Zlatko Daliç istefa verib və federasiya onun istefasını qəbul edib./Qol.az