Sudanın şimalındakı Vadi Halfa şəhəri yaxınlığında ənənəvi qızıl mədəninin çökməsi nəticəsində ən azı 15 nəfər ölüb, daha bir nəfər yaralanıb.
Bu barədə Sudan Mineral Ehtiyatlar Şirkəti açıqlama yayıb.
Mədən fəaliyyətinə nəzarət edən dövlət qurumu olan şirkət açıqlamasında qəzanın mədənçilərin əvvəllər təhlükəli hesab edildiyi üçün səlahiyyətlilər tərəfindən bağlanmış bir sahəyə girməsindən sonra baş verdiyini bildirib.
Xilasetmə qruplarının hadisə yerinə göndərildiyi bildirilir. Mülki müdafiə bölmələri dağıntılar altında qalan qurbanları axtarmağa davam edir.
Şahidin sözlərinə görə, mədənçilər dəfələrlə bağlı mədənə girməmək barədə xəbərdarlıqlara məhəl qoymayıblar.//Bakıvaxtı.az