31 yaşlı amerikalı aktrisa Marqaret Kuolli 14 Fevral – Sevgililər Günü münasibətilə verdiyi müsahibə və fotosessiya ilə gündəm olub.
Medianews.az xəbər verir ki, o, müsahibəsində şəxsi həyatı və adı ilə bağlı diqqətçəkən açıqlamalar verib.
Aktrisa müsahibə zamanı əsl adının Sara olduğunu açıqlayıb. O bildirib ki, gənclik illərində modellik agentliyi tərəfindən iki ad arasında seçim etməyə məcbur qalıb və nəticədə Marqaret adını istifadə etməyə başlayıb.
Kuolli daha əvvəl verdiyi müsahibədə də bu mövzuya toxunaraq 16 yaşında sənaye təzyiqi ilə qarşılaşdığını demişdi. O, uzun illər karyera qurduqdan sonra adını dəyişdirən biri kimi tanınmaq istəmədiyini və orijinal adına qayıtmaq istədiyini qeyd edib.
Medianews.az
