Türkiyədə dövlət idarəçiliyində genişmiqyaslı kadr dəyişiklikləri həyata keçirilib.
Medianews.az NOCOMMENT.az-a istinadən xəbər verir ki, Prezident Rəcəb Tayyib Ərdoğan tərəfindən imzalanan fərmanlar “Rəsmi Qəzet”də dərc olunub və bir sıra nazirliklərdə yüksək vəzifəli şəxslərin təyinatı və vəzifədən azad edilməsi ilə nəticələnib.
Cihad Demirli
Milli Təhsil Nazirliyində nazir müavini Nazif Yılmaz vəzifəsindən azad olunub. Onun yerinə isə Təhsil Şurasının sədri Cihad Demirli təyin edilib.
Nazif Yılmaz
Eyni qərarla Cem Gençoğlu Təhsil Şurasının sədri, Halil İbrahim Topçu və Hatice Çelik isə şura üzvləri təyin olunublar. Bundan əlavə, Cengiz Mete Orta Təhsil üzrə Baş direktor, Emre Topoğlu isə Ömürboyu Təhsil üzrə Baş direktor vəzifəsinə gətirilib.
Nazirlikdə də bir sıra mühüm vəzifələrə yeni şəxslər təyin olunub. Fatih Enes Bot Strategiya İnkişafı Prezidentliyinə, Ömər Faruk Öztürk Təlim və Araşdırma Mərkəzinin rəhbərliyinə, İbrahim Oğuzhan Yıldırım isə Türkiyə Məşğulluq Agentliyinin baş direktor müavini vəzifəsinə gətirilib.
Türkiyə Elektrik Enerjisinin Ötürülməsi Korporasiyasında (TEİAŞ) rəhbərlikdə dəyişikliklər edilib. Baş direktor Orhan Kaldırım və onun müavini Deniz Coşkun vəzifələrindən azad olunublar.
Serhat Metin baş direktor müavini təyin edilib. Ahmet Özkaya, Mustafa Pustu və Süleyman Önel isə Direktorlar Şurasına üzv seçiliblər.
Ticarət Nazirliyində Məhsul Təhlükəsizliyi və Təftiş üzrə baş direktor müavinləri Mehmet Halil Madazlı və Ahmet Karabay vəzifələrindən azad ediliblər.
Dövlət Hava Limanları Baş İdarəsində (DHMİ) də təyinatlar həyata keçirilib. Fatih Çakmak və Mustafa Akkaya boş qalan idarə üzvü vəzifələrinə gətiriliblər.
Qeyd edək ki, bu dəyişikliklər Türkiyədə dövlət strukturlarında idarəetmənin yenilənməsi istiqamətində atılan növbəti addım kimi qiymətləndirilir.