Yay aylarında dondurmaya olan həddindən artıq aludəçilik dərinin qocalma prosesini sürətləndirir.
Medianews.az xəbər verir ki, bu haqda Xristina Nikiforova xəbərdarlıq edib.
Ekspertin sözlərinə görə, yayda dondurma və soyuq şirin içkilərin istidən qorunmağa kömək etdiyi düşünülsə də, reallıqda bu məhsullar dərinin elastikliyini itirməsinə, solğun və şişkin görünməsinə səbəb olur.
Həkimin sözlərinə görə, tərkibində şəkər yüksək olan qidalar qlükoza səviyyəsini sürətlə artırır, insulin ifrazını stimullaşdırır və beyində müvəqqəti olaraq serotonin sintezini aktivləşdirir. Bundan əlavə, orqanizm hüceyrələrin insulinə həssaslığına cavabdeh olan maqnezium və xrom kimi mikroelementləri itirir. Onların çatışmazlığı isə insanı sürətli karbohidratlara daha çox meylli edir.
Həkim əlavə edib ki, günəş şüaları ilə şirniyyatın birləşməsi dəriyə düşən yükü artırır, lakin ən böyük təhlükə "qlikasiya" (şəkərin zülallarla birləşərək kollageni sıradan çıxarması) prosesidir.
Medianews.az