Qana millisinin 34 yaşlı qapıçısı Bencamin Asare İngiltərə ilə keçirilən oyunda (0:0) komandasının qapısını toxunulmaz saxlayaraq diqqət çəkib və Qananın qrupdan çıxmaq mübarizəsini gücləndirib.
Medianews.az xəbər verir ki, komanda hazırda 4 xalla irəliləyir və hələ qol buraxmayıb.
Asarenin futbol yolu çox çətin keçib: o, karyerasına gec başlayıb, bir vaxtlar məktəbdə plastik torba satıb, avtobus konduktoru kimi işləyib və metal emalı üzrə sənət öyrənib. Peşəkar futbola isə yalnız 7 il əvvəl “Great Olympics” klubunda başlayıb və burada məşqçisinin dəstəyi ilə inkişaf edib.
28 yaşında ayağından ciddi zədə alan qapıçı karyerasını bitirməyə yaxın olsa da, yenidən futbola qayıdıb. Daha sonra “Hearts of Oak” klubuna keçərək uğurlu çıxış edib və komandasının az qol buraxmasında əsas rol oynayıb.
2025-ci ilə qədər milli komandaya çağırılmayan Asare seçmə mərhələdə parlaq oyun göstərərək cəmi bir qol buraxıb. Dünya çempionatı 2026-da isə o, ardıcıl oyunlarda yüksək səviyyəli seyvləri ilə diqqət mərkəzinə düşüb.
Futbolçu ailəsinə, xüsusilə də sağlamlıq problemi olan nənəsinə baxması ilə də tanınır. Onun uğur hekayəsi sosial mediada geniş yayılıb və sadə həyatdan beynəlxalq səviyyəyə yüksələn futbolçu kimi nümunə göstərilir.
Medianews.az