ABŞ administrasiyası hesab edir ki, İrana qarşı iqtisadi təzyiqlərin gücləndirilməsi genişmiqyaslı hərbi əməliyyatlardan daha təsirli nəticə verə bilər.
Medianews.az xəbər verir ki, bu barədə “Axios” nəşri yazır.
Ağ Evin yüksəkvəzifəli rəsmisi bildirib ki, İran iqtisadiyyatında vəziyyət getdikcə ağırlaşır. Kəşfiyyat məlumatları və açıq mənbələr ölkədə, dünyanın ən böyük neft istehsalçılarından biri olmasına baxmayaraq, benzin qıtlığının yaşandığını göstərir.
ABŞ rəsmilərinin sözlərinə görə, sanksiyalar və iqtisadi məhdudiyyətlər Tehrana ciddi təzyiq göstərə bilər. Bununla yanaşı, bəzi rəsmilər etiraf ediblər ki, bu yol hərbi əməliyyatlarla müqayisədə İranı danışıqlar masasına gətirmək üçün daha çox vaxt tələb edə bilər.
Onlar həmçinin bildiriblər ki, Vaşinqton zərurət yaranarsa, həm hərbi imkanlarından, həm də iqtisadi sanksiyalardan istifadə edə bilər. Bununla belə, münaqişənin uzanması ABŞ-də yanacaq qiymətlərinin artmasına və daxili siyasi narazılığın güclənməsinə səbəb ola bilər.
Medianews.az