“O düzən dağılıb və bir daha geri qayıtmayacaq” – Siyasi şərhçi

“İkinci Dünya müharibəsindən sonra formalaşmış dünya düzəni dağılıb və bir daha geri qayıtmayacaq. Ancaq qlobal böhran pik nöqtəsinə hələ çatmayıb. Buna görə də gələcək dünya düzənin cizgiləri aydın görünmür”. Politoloq Xaqani Cəfərli Medianews.az-a belə deyib. X.Cəfərlinin qənaətinə görə, gələcək dünya düzəni ilk növbədə Böyük Britaniyanın siyasi, Ukraynanın hərbi uğurundan asılı olacaq: “Böyük Britaniyanın siyasi, Ukraynanın hərbi uğuru Rusiya imperiyasının parçalanmasına, müstəmləkə xalqların istiqlaliyyət qazanmasına gətirib çıxaracaq. Böyük Britaniyanın siyasi, Ukraynanın hərbi uğuru önəmli dərəcə də informasiya müharibəsinin nəticəsindən asılıdır. Buna görə də Böyük Britaniyanın siyasi, Ukraynanın hərbi uğur qazanmasını təmin etmək Rusiya imperiyasına qarşı olan hər bir şəxsin əsas vəzifəsi olmalıdır”. Toğrul Əli, Medianews.az