Şimali Koreyada “qeyri-müəyyən” epidemiya panikası

Koronavirus epidemiyası ilə mübarizə aparan Şimali Koreyada yeni epidemiya xəstəliyinə rast gəlindiyi bildirilib.

Medianews.az xəbər verir ki, Koreyanın dövlət nəzarətində olan Mərkəzi Xəbər Agentliyi (KCNA) ölkənin cənub-şərqindəki Haeju şəhərində yeni bir epidemiyanın aşkar edildiyini açıqlayıb.

Yeni epidemiya xəstəliyinin adı və epidemiyanın miqyası ilə bağlı dəqiq məlumat paylaşılmasa da, lider Kim Çen Inın “kəskin bağırsaq xəstəliyi” diaqnozu qoyulan insanlara ailəsinə məxsus ehtiyat dərmanlarını bağışladığı qeyd edilib. Mütəxəssislər qeyd ediblər ki, Şimali Koreya dövlət mediasının “bağırsaq xəstəliyi” adlandırdığı xəstəlik qida, su  və ya yoluxmuş insanların nəcisi ilə təmas yolu zamanı keçən tif, dizenteriya və ya vəba kimi bağırsaq xəstəlikləri ola bilər. Bu xəstəliklərin artıq ölkədə geniş yayıldığını bildirib.

Leyla, Medianews.az