Rusiya və Ukrayna hərbi əsir mübadiləsi aparıblar. Modern.az xəbər verir ki, mübadilə "200-ə 200" düsturu ilə həyata keçirilib.
Rusiya Müdafiə Nazirliyinin məlumatına görə, 200 rus hərbçisi geri qaytarılıb və 200 ukraynalı hərbi əsir təhvil verilib. Nazirlik bildirib ki, mübadiləyə BƏƏ və ABŞ kömək edib.
Rusiya hərbçiləri hazırda Belarusdadır və tibbi və psixoloji yardım alırlar. Daha sonra onlar müalicə və reabilitasiya üçün Rusiyaya qaytarılacaqlar.
26 fevralda İstanbul razılaşmalarının bir hissəsi olaraq iki tərəf həlak olan hərbçilərin cəsədlərini mübadilə edib: Rusiya 1000, Ukrayna isə 35 cəsədi təhvil verib.