2019-cu ildə Liverpool–Tottenhem finalındakı sürpriz çıxışı ilə məşhurlaşan sosial media fenomeni bu dəfə tam fərqli şəkildə gündəmə gəlib.
Medianews.az xəbər verir ki, 27 yaşlı Kinsey Volanski uzun müddət arzusu olan pilotluq xəyalını gerçəkləşdirdiyini açıqlayıb.
Volanski ciddi təlim mərhələsini uğurla tamamlayaraq pilot sertifikatı əldə edib. Onun ümumilikdə 112 saatlıq uçuş təcrübəsi qazandığı və bunun tələb olunan həddi keçdiyi bildirilib.
Fenomen açıqlamasında təlimin gözlədiyindən daha çətin olduğunu deyib: “Nəhayət ki, illərdir qurduğum uşaqlıq arzumu reallaşdırdım”.
Pilotluqla kifayətlənməyən Volanski karyerasının növbəti addımında kommersiya pilotu lisenziyası almağı hədəflədiyini bildirib. O, həmçinin aparıcılıq fəaliyyətini davam etdirir və pilotluq təlimindən görüntüləri sosial media hesablarında paylaşır.
Futbol meydançasında çıxışı ilə yadda qalan Kinsey Volanskinin pilotluq sahəsinə keçidi sosial şəbəkələrdə böyük maraqla qarşılanıb.
Medianews.az
