Rusiyada vaxtilə ofisiant və motosiklet kuryeri kimi çalışan sahibkar Vlad Bıkov bu dəfə biznes uğurları ilə deyil, şəxsi həyatı ilə gündəmə gəlib.
Medianews.az xəbər verir ki, şayiələrə görə, sərvəti təxminən 500 milyon dollar dəyərində qiymətləndirilən Bıkov yeni sevgilisi ilə birlikdə Dubayda lüks bir binadan çıxarkən görüntülənib.
Cütlüyün fotoları qısa müddətdə sosial şəbəkələrdə yayılıb və geniş müzakirələrə səbəb olub.
Bıkovun uğur hekayəsi xüsusilə diqqət çəkir. 2021-ci ildə Rusiyadan köçərək Dubayda məskunlaşan sahibkar burada lüks geyim brendi yaradıb. Qısa müddətdə brendini böyüdərək müxtəlif ölkələrdə mağazalar açdığı bildirilir.
Bir zamanlar xidmət sektorunda çalışan Bıkovun bu yüksəlişi sosial mediada tez-tez motivasiyaedici nümunə kimi təqdim olunur.
Yeni yayılan görüntülərdə cütlüyün arasındakı nəzərəçarpacaq boy fərqi istifadəçilərin diqqətindən yayınmayıb. Sosial şəbəkə istifadəçiləri bununla bağlı minlərlə şərh yazıb, məsələ trend mövzusuna çevrilib.
Sahibkarın şəxsi həyatı ilə bağlı paylaşılan kadrlar qısa müddətdə böyük maraq doğurub. Cütlüyün birlikdə çəkdirdiyi şəkillər və ictimai məkanda görüntüləri geniş rezonans yaradıb.
Qeyd edək ki, Bıkovun sərvəti ilə bağlı rəqəmlər rəsmi mənbələr tərəfindən təsdiqlənməyib və əsasən mediada yayılan məlumatlara əsaslanır.
Medianews.az