2026-cı ilin yanvarında Azərbaycandan 2,2 milyard dollarlıq ixrac qeydə alınıb.
Medianews.az bildirir ki, Dövlət Gömrük Komitəsinin hesabatına görə, bunun 1,9 milyard dolları neft-qaz sektorunun, 639,5 min dolları elektrik enerjisinin payına düşüb.
Qalan əsas ixrac məhsulları bunlardır:
meyvə-tərəvəz - 79,6 milyon dollar
kimya sənayesi məhsulları - 19,2 milyon dollar
alüminium və ondan hazırlanan məmulatlar - 17,3 milyon dollar
plastmas və onlardan hazırlanan məmulatlar - 16,04 milyon dollar
pambıq lifi - 12,4 milyon dollar
qara metallar və onlardan hazırlanan məmulatlar - 6,5 milyon dollar
alkoqollu və alkoqolsuz içkilər, sirkə - 4,9 milyon dollar
şəkər - 3,7 milyon dollar
sement - 3,3 milyon dollar
iplik pambıq - 3,1 milyon dollar
tərəvəz və meyvələrin emal məhsulları - 2,9 milyon dollar
bitki və heyvan mənşəli piylər və yağlar - 2,5 milyon dollar
çay - 570,03 min dollar.
İlk ayın idxalı 1,3 milyard dollar göstərilib, sıralama belə rəsmiləşib:
maşın, mexanizm, elektrik aparatları, avadanlıqlar və onların hissələri - 306,2 milyon dollar
nəqliyyat vasitələri və onların hissələri - 204,1 milyon dollar
yeyinti məhsulları - 202,4 milyon dollar
əczaçılıq məhsulları - 47,3 milyon dollar
geyim və geyim üçün ləvazimatlar - 30,1 milyon dollar
oduncaq və ondan hazırlanan məmulatlar - 26,5 milyon dollar
mebel və onun hissələri - 8,25 milyon dollar
tütün və tütün məmulatları - 8,24 milyon dollar
gübrələr - 5,5 milyon dollar.