Yaxın Şərqdə müharibənin ilk yeddi günü ərzində Fars körfəzi regionunda yerləşdirilən səviyyədə hava hücumundan müdafiə (HHM) dəstəyi Kiyevə verilsəydi, Ukrayna müharibəsi daha tez başa çata bilərdi.
Medianews.az Axar.az-a istinadən xəbər verir ki, bunu Finlandiya Prezidenti Aleksandr Stubb bildirib.
O qeyd edib ki, İranda döyüş əməliyyatlarının ilk həftəsi təxminən 40 milyard dollar vəsait tələb edib:
“Bu məbləğ Avropa ölkələrinin Ukraynaya bir il ərzində göstərdiyi yardım xərclərinə təxminən bərabərdir”.
Stubb əlavə edib ki, hazırda Ukrayna Yaxın Şərqdəki münaqişədən müəyyən üstünlüklər əldə edə bilər. Çünki bu münaqişə Rusiyanın İranla hərbi sahədə əməkdaşlıq imkanlarını zəiflədə bilər.