2022-ci ildən İtaliya Respublikası Nazirlər Şurasının sədri, yəni İtaliyanın baş naziri olan xanım Meloninin adı Azərbaycan mediasında müxtəlif formalarda yazılır:
Ciorcia Meloni
Corcia Meloni
Corciya Meloni
Corca Meloni.
Bəzi xəbərlərdə adın orijinaldakı kimi Giorgia yazıldığını da görmək mümkündür.
Hansı doğrudur?
Medianews.az saytı onlayn ensiklopediyaya – Vikipediaya nəzər salıb.
Burada ad Corca yazılıb.
Süni intellekt proqramı olan ChatGPT-nin Medianews.az-ın “İtaliyanın baş naziri Meloninin adı Azərbaycan dilində necə yazılmalıdır” sualına verdiyi cavab da bu variantın doğruluğunu təsdiqləyir.
Cavabda deyilir: “İtalyanca Giorgia adı Azərbaycan dilinə fonetik uyğunlaşdırma ilə Corca kimi verilir (g → c, -gia → -ca). Bəzi media orqanlarında başqa variantlara da rast gəlinir, lakin Azərbaycan dilinin fonetik prinsiplərinə daha uyğun forma Corca Melonidir”.
Qeyd edək ki, Corca Meloni mayın 5-də Azərbaycana səfər edəcək.