Energetika Nazirliyinin yeni hesabatına görə, 2026-cı ilin yanvar-iyun aylarında Azərbaycanda kondensatla birlikdə 13,3 milyon ton neft çıxarılıb.
Medianews.az bildirir ki, analoji hasilat 2008-ci ildə 44,5 milyon ton, 2009-cu ildə 50,4 milyon ton, 2010-cu ildə 50,8 milyon ton, 2011-ci ildə 45,6 milyon ton, 2012-ci ildə 43,4 milyon ton, 2013-cü ildə 43,5 milyon ton, 2014-cü ildə 42 milyon ton, 2015-ci ildə 41,6 milyon ton, 2016-cı ildə 41 milyon ton, 2017-ci ildə 38,7 milyon ton, 2018-ci ildə 38,8 milyon ton, 2019-cu ildə 37,4 milyon ton, 2020-ci ildə 34,5 milyon ton, 2021-ci ildə 34,6 milyon ton, 2022-ci ildə 32,6 milyon ton, 2023-cü ildə 30,1 milyon ton, 2024-cü ildə 29 milyon ton, 2025-ci ildə 27,7 milyon ton göstərilib.
Azərbaycanın 2026-cı il büdcəsində bir barrel neft 65 dollardan götürülüb. “AzəriLayt” yanvara 65,71, fevrala 69,72, marta 79,60, aprelə 132,35, maya 122,26, iyuna 104,58, iyula 75,34 dollarla başlayıb.
İxracatçıların beynəlxalq koalisiyası Azərbaycan üçün xam neftin gündəlik hasilat normasını 551 min barrel müəyyən edib.
2026-cı ilin ilk yarısında ölkədən 6,2 milyard dollarlıq xam neft və xam neft məhsulu ixrac olunub.
Toğrul Əli,
Medianews.az