“Elə adam var ki, 20-30, hətta 40 ev alıb” – Bloqçu

“Ətrafımda olan və münasibətim olduğu pullu adamların əksəriyyəti əlindəki pulu Bakıda evə yatırır”. Medianews.az bildirir ki, bloqçu Fərid Pərdəşünas sosial media hesabında belə yazıb. O bildirib: “Məsələn, elə adam var ki, 20-30, hətta 40 evi var. Layihə qoymur, hər yerdən alır. Belə adamların sayı sizə deyim ki, qətiyyən az deyil. Adam var az qalanı binanı alıb, qiymətini qaldırır. Bunun da nəticəsidir ki, "qara binalar" yaranır. Şirkətdən soruşursan, evlərin satışı bitib, amma axşam baxırsan, ümumiyyətlə yaşayış yoxdur. Ağ Şəhərdə də belə evlər çoxdur. Hələ də azərbaycanlı investorlar daşa, quma yatırım edir. Sonra deyirik ki, ölkədə niyə startaplar inkişaf etmir. Etməz də. Amma onları da qınamaq olmaz. Ölkədə hər dövrdə ən etibarlı yatırım elə mənzil olub. Amma indi qiymətlər elə həddə çıxıb ki, yaşayış üçün alan adama görə əlçatmaz olub. Bəs belə bir vəziyyətdə əmlak sektorunda balonun partlaması ola bilər? Məndən soruşsanız, yox. Çünki hələ indiyə qədər qiymət düşdüyünü görməmişəm”. Toğrul Əli, Medianews.az