Ağdamda idman müəllimi bıçaqlandı

Ağdamda orta məktəb müəllimi bıçaqlanıb. Oxu.Az-ın məlumatına görə, hadisə rayonun Mahrızlı kəndində baş verib. Kənd sakini, Ağdam rayonu Rahib Məmmədov adına Mahrızlı kənd tam orta məktəbinin idman müəllimi, 1984-cü il təvəllüdlü Əsəd Gülmalı oğlu Nərimanov bıçaq xəsarətləri ilə xəstəxanaya yerləşdirilib. Onun vəziyyəti ağır olduğundan ilkin yardım göstərilərək Bakıdakı xəstəxanalardan birinə köçürülüb. İlkin məlumata görə, Ə.Nərimanov qardaşının hərbçi qaynı tərəfindən bıçaqlanıb. Faktla bağlı araşdırma aparılır.