Gündəlik qəbul üçün ən arzuolunmaz qida kolbasadır.
Medianews.az Medicina.az-a istinadən xəbər verir ki, qastroenteroloq Yevgeniya Melnikova kolbasa kimi məhsulların həddindən artıq qəbulunun dağıdıcı nəticələrini izah edib.
Həkimin sözlərinə görə, emal olunmuş ət sağlam məhsul hesab edilə bilməz, çünki tərkibində çoxlu dad gücləndiriciləri, duz, doymuş yağlar və nitratlar var. Melnikova həmçinin onun yüksək kalorili məhsul olduğunu vurğulayıb.
"Müntəzəm istehlak üçün ən arzuolunmaz olanlar, 100 qramda 200-600 kilokalori olan yağlı ətlərdir, məsələn, qurudulmuş kolbasa", - deyə o bildirib.
Melnikova xəbərdarlıq edib ki, kolbasa sevənlər piylənmə və nəticədə özlərində 2-ci tip diabet riskini artırırlar. Bu məhsullarda həddindən artıq duz lipid metabolizmasını pozur və bu da zamanla hipertoniya və aterosklerozun inkişafına səbəb olur.
Kolbasanın digər təhlükəli nəticələrinə osteoporoz, kalsium və fosfor metabolizma pozulması və kolorektal xərçəng daxildir.
