İstanbul Böyükşəhər Bələdiyyəsinə (İBB) qarşı aparılan korrupsiya istintaqı çərçivəsində Əkrəm İmamoğlunun və komandasının Adnan Çebiyə məxsus hoteldə keçirdiyi görüşə dair yeni görüntülər üzə çıxıb. Medianews.az xəbər verir ki, 6 mart 2025-ci il tarixində baş tutan toplantıdan əvvəl iki nəfərin hotelin təhlükəsizlik kameralarını salfetlə örtdüyü müşahidə olunub. Görüntülərdə İmamoğlunun əlində çanta ilə hotelə daxil olduğu anlar da əksini tapıb.
İstanbul Baş Prokurorluğunun araşdırmalarına əsasən, İmamoğlu və digərləri barəsində “cinayətkar təşkilata rəhbərlik”, “rüşvət”, “qəsb” və “tender saxtakarlığı” da daxil olmaqla bir sıra ağır ittihamlarla istintaq aparılır. Bundan əlavə, 12 oktyabr 2024-cü ildə baş tutmuş digər görüşə dair İmamoğlunun mühafizəçisi Çağlar Türkmenin ifadəsi də ortaya çıxıb. O, kameraların lentə alınmasının "rutin prosedur" olduğunu və bu qərarın şəxsi təşəbbüsü ilə verildiyini bildirib.
Mühafizəçi İmamoğlunun görüş səbəbi və iştirakçılar barədə məlumatlı olmadığını da qeyd edib.
Medianews.az
