Türkiyənin Milli Kəşfiyyat Təşkilatı 2 qadın terrorçunu zərərsizləşdirib

Milli Kəşfiyyat Təşkilatı (MİT) İraqın şimalındakı Hakurkda terror təşkilatı PKK/KCK üzvü "Mitra Mani" kod adlı Zeynep Aslan və "Ekin Dilda" kod adlı Zeliha Mahçupu zərərsizləşdirib. Medianews.az “NTV”yə istinadən xəbər verir ki, MİT-ə qadınların Türkiyədə strateji hədəflərə qarşı hücumlar təşkil etmək üçün təlim keçdikləri barədə məlumat daxil olub. MİT Türkiyəyə keçməyə hazırlaşan terrorçuları addım-addım təqib edərək Hakurkda təşkil etdikləri əməliyyatla Aslan və Mahçupu zərərsizləşdirib. Bildirilib ki, iki terrorçu 2015-ci ildə terror təşkilatının kənd əməkdaşlarına qoşulub.