İstirahət mərkəzində pələng kişiyə hücum etdi

Rusiyanın Xabarovsk diyarının Nanayski rayonunda istirahət mərkəzində pələng turist kişiyə hücum edib. Medianews.az “Daily”ə istinadən xəbər verir ki, yırtıcı heyvan əraziyə gizli daxil ola bilib. Xoşbəxtlikdən turist ciddi xəsarət almayıb. O, xəstəxanada müayinə olunub və ambulator müalicəyə buraxılıb. Thlükəsizlik tələblərinə cavab verməyən xidmətlərin göstərilməsi ilə bağlı cinayət işi açılıb. Müstəntiqlər şahidləri dindirir. Pələngin başına gələnlər barədə məlumat verilmir. Günahkar olanları iki ilə qədər həbs və 300 min rubla qədər cərimə gözləyir.