Lüks “Gelandewagen” Gəncədə qəzaya düşdü - FOTO

Gəncədə lüks avtomobil qəzaya səbəb olub. “Qafqazinfo” xəbər verir ki, hadisə 2 saylı “Asan Xidmət”in yaxınlığında qeydə alınıb. Hərəkətdə olan “Mercedes-Benz Gelandewagen” markalı minik maşını “VAZ 2106” markalı avtomobillə toqquşub. Arxadan VAZ-a çırpılan “Gelandewagen” idarəetməni itirərək yoldan çıxıb. Qəza zamanı xəsarət alan olmayıb. Hadisə yerinə polis əməkdaşları cəlb olunub, araşdırma aparılır.