Tarixi mağazalar məhəlləsində zərgər işləyən Gürbüz Payveren dünən səhər saatlarında işə gedən zaman qəribə hadisə ilə rastlaşıb.
Medianews.az xəbər verir ki, hadisə Türkiyədə baş verib.
Gürbüz Payveren dükanda elektrik panjurunu aça bilmədiyi üçün ustaya zəng edib. Usta isə bildirib ki, dükanda elektriklər kəsilib. Dükana daxil olan Payveren işığın içəridən kəsildiyini və iş yerinin qarət edildiyini biləndə polisə xəbər verib.
Məlum olub ki, mağazanın divarı deşilib və 23 kilo qızıl oğurlanıb. Oğurluq edən şəxslərin təhlükəsizlik kamerasının səsyazma cihazını da özləri ilə apardığı müəyyən edilib. Polis şübhəli və ya şübhəlilərin tutulması üçün işlərə başlayıb.
Medianews.az
Aytac Şahin