Media
İtaliya sahillərində qayıq qəzasında həyatını itirən nizamsız miqrantların sayı 62-yə yüksəlib. Həyatını itirənlər arasında 14 uşağın olduğu bildirilib.
Medianews.az bildirir ki, İtaliyanın Kalabriya bölgəsindəki Krotone sahil şəhəri Steccato di Cutro sahillərində baş verən qayıq qəzasında can itkisi getdikcə artır.
Səlahiyyətlilər həyatını itirən qeyri-qanuni miqrantların sayının 62-yə yüksəldiyini, həyatını itirənlər arasında isə 14 uşağın olduğunu açıqlayıb. Axtarış və xilasetmə işləri davam edərkən, səlahiyyətlilər gəmidə 180-200 qeyri-qanuni miqrantın olduğunu təxmin edir.
Dəfn mərasimindən əvvəl Krotone qəsəbəsindəki idman salonuna onlarla tabut qoyulub, yerli sakinlər isə qayıq qəzasında həyatını itirənlərin xatirəsini gül dəstələri düzərək, şam yandıraraq yad ediblər. Müsəlmanlar həyatını itirənlərə dualar oxuyublar.
Pakistanın baş naziri Şahbaz Şərif qeyri-qanuni miqrantlar arasında iyirmidən çox pakistanlının olduğunu vurğuladıqlarını bildirib. Xilasedicilər bildiriblər ki, miqrantların əksəriyyəti Əfqanıstan, Pakistan, Somali və İran vətəndaşlarıdır.
Daxili işlər naziri Matteo Piantedosi hökumətin insan itkisinə görə məsuliyyət daşıdığını inkar edib və bunun əvəzinə dənizdə insan qaçaqmalçıları və ailələri günahlandırıb: “Çarəsizlik heç vaxt uşaqların həyatına təhlükə yaradan şəraitdə səyahət etməyə haqq qazandıra bilməz. Qayıq faciəsindən sonra qeyri-qanuni miqrantlara kömək edən yardım təşkilatlarına qarşı sərt tədbirlər görən İtaliyanın sağçı hökuməti tənqid hədəfi olub. Sərhədsiz Həkimlər Təşkilatının (MSF) İtaliyadakı proqramlar direktoru Marko Bertotto, “Bu faciələr İtaliya və Avropanın sərhədləri qoruyan və Avropaya təhlükəsiz və nizamlı keçidin qarşısını alan siyasətlərinin nəticəsidir”.
Kalabriya sahillərində nizamsız miqrantların olduğu taxta qayıq sahildən bir neçə metr aralıda qayalara çırpılaraq batıb. Bildirilib ki, qayıq təxminən dörd gün əvvəl İtaliyaya yola düşüb və ötən şənbə günü Avropa İttifaqının (Aİ) sərhəd agentliyi Frontex tərəfindən aşkarlanıb. Frontex bildirib ki, əlverişsiz hava şəraiti səbəbindən qayığa çatmaq mümkün olmayıb.
Sağ qalan 80 nəfərdən biri dünən miqrant qaçaqmalçılığı ittihamı ilə həbs olunub, İtaliya gömrük polisi isə daha 2 nəfərin qaçaqmalçıya kömək etməkdə şübhəli bilindiyini bildirib.
Birləşmiş Millətlər Təşkilatının (BMT) İtkin Miqrantlar Layihəsinə görə, 2014-cü ildən bəri Mərkəzi Aralıq dənizində 20 mindən çox, bu il isə 220-dən çox ölüm və itkin düşmə halı qeydə alınıb.
