Media
Azərbaycan Respublikasının Türkiyə Respublikasındakı Səfirliyinin həyata keçirdiyi araşdırma nəticəsində haqlarında məlumat alına bilinməyən 4 Azərbaycan vətəndaşının – Səfərov Fuad Ziyad oğlu, Əsgərov Həsənqulu Elşad oğlu, Qarayev Nicat Zaur oğlu və Vəliyev Namaz Allahverdi oğlunun Malatya Geri göndərmə mərkəzində olduqları müəyyən edilib.
XİN-dən verilən məlumata görə, Səfirlik əməkdaşları sözügedən Azərbaycan vətəndaşları ilə görüş keçirib. Vətəndaşlar səhhətlərinin normal olduğunu bildiriblər.
Xatırladaq ki, dağıntılar altında qalan, Azərbaycandan olan digər bir qrup tələbənin axtarışları davam edir. Xilasedicilərin onların yerləşdiyi məkana yaxınlaşdıqları, həmçinin xüsusi cihazların həyat əlamətlərini göstərdiyi bildirirlir.
