Media
Türkiyənin Kahramanmaraş şəhərində bazar ertəsi səhərə yaxın 7.4 bal gücündə zəlzələ baş verib. Zəlzələ Hatay, Qaziantep, Osmaniye, Adıyaman, Adana, Malatya, Şanlıurfa, Diyarbəkir və Kilis şəhərlərində də ölüm və dağıntılara səbəb olub.
Hökumət dördüncü səviyyəli həyəcan siqnalı verib, bu, beynəlxalq yardım tələbini ehtiva edir.
Beynəlxalq Qızıl Xaç Komitəsinin Türkiyə xidmətinin rəhbəri Kerem Kınık bütün ölkəboyu vətəndaşları qan verməyə çağırıb.
Fəlakət və Fövqəladə Halların idarəedilməsi Agentliyi zəlzələdə indiyədək 76 nəfərin həlak olduğunu, 440 nəfərin yaralandığını, 200-dən çox binanın dağıldığını açıqlayıb.
SURİYA:
- Suriya rejiminin Səhiyyə Nazirliyinin verdiyi açıqlamada ilk təsbitlərə görə, qeyd olunan məsələlər aşağıdakılardır:
– Hələb, Həma və Latakiya əyalətlərində baş verən zəlzələ nəticəsində ölənlərin sayı 42, yaralıların sayı isə 200 nəfərdir. Bu rəqəm ilkin təsbitləri əks etdirir və artacağı gözlənilir.
– Çoxlu binalar uçub, maddi ziyan çoxdur.
– Zəlzələnin təsiri ən çox İdlibdə hiss olunub.
2.Suriya Müvəqqəti Hökumətinin sədri Əbdürrəhman Mustafa, Suriyanın şimalındakı əməliyyat bölgələrində ilkin təsbitlərə görə ölənlərin sayının 44 olduğunu qeyd edib.
3.Suriyanın şimalında məcburi köçkünlərin qaldığı düşərgələrin də zəlzələdən ciddi ziyan gördüyü anlaşılır.
İRAN:
Zəlzələ İranın Türkiyə və İraqla sərhəd bölgələrində hiss edilsə də, bu mərhələdə maddi ziyan yoxdur (Ötən həftə sərhəd bölgəsində baş verən Hoy mərkəzli zəlzələ üçün yardım işləri davam edir.
İSRAİL:
İsrail mətbuatında can itkisi, yaralanma və ya maddi ziyan olmadığı bildirilir.
GÜRCÜSTAN:
Gürcü mətbuatında zəlzələnin burada hiss olunması ilə bağlı xəbər yoxdur.
LİVAN:
Livanda da ciddi hiss olunan zəlzələdən sonra indiyədək ciddi dağıntı və tələfat qeydə alınmayıb. Ancaq Baş nazirlik Fövqəladə Hallar Komitəsinin gün ərzində bir vəziyyət qiymətləndirməsi etmək üçün toplanacağı gözlənilir.
