Media
“İstanbulda konsulluqlarını bağlayan ölkələri müttəfiq adlandırmaq olmaz”.
Bu sözləri Türkiyənin xarici işlər naziri Mövlud Çavuşoğlu bildirib.
Medianews.az RİA Novosti istinadla xəbər verir ki, Çavuşoğlu bəzi Avropa dövlətlərinin İstanbuldakı konsulluqlarını terror aktları təhlükəsi ilə bağlı bağlaması ilə bağlı məlumatı şərh edərkən deyib ki, bu ölkələri müttəfiq və dost adlandırmaq olmaz:
“Biz dünən bu barədə səfirlərə dedik… Bu, nə dostluğa, nə də müttəfiqliyə yaraşmaz”, – deyə fikirini bildirib.
Çavuşoğlu əlavə edib ki, Türkiyə Daxili İşlər Nazirliyi ilə mümkün terror aktları ilə bağlı məlumat və kəşfiyyat məlumatlarının paylaşılması dostcasına bir addım olardı, lakin konsulluqlarını bağlayan ölkələr bunu etməyiblər.
Qeyd edək ki, İsveçrənin Ankaradakı səfirliyinin və Konfederasiyanın İstanbuldakı Baş Konsulluğunun terror aktları təhlükəsi ilə əlaqədar müvəqqəti olaraq bağlandığı bildirilib.
Eyni zamanda Almaniya və İngiltərənin İstanbuldakı konsulluqları terror aktları təhlükəsi ilə əlaqədar fəaliyyətini dayandırmışdı.
Mehin Mehmanqızı
Medianews.az
