İsrail qüvvələrinin işğal altındakı İordan çayının qərb sahilinin şimalındakı Cenin Qaçqınlar Düşərgəsinə təşkil etdiyi basqında 4 fələstinli həyatını itirib.
Medianews.az bildirir ki, İsrail əsgərləri Cenin Qaçqınlar Düşərgəsinə basqın zamanı həqiqi sursat və gözyaşardıcı qazdan istifadə edərkən, bölgədə əsgərlərlə Fələstin silahlı qrupları arasında qarşıdurma yaşanıb.
Fələstin Səhiyyə Nazirliyindən verilən yazılı açıqlamada, hadisələrdə aralarında İsam Mahmud Ezriki (24) və İzzəddin Səlahətin (26) da olduğu 4 nəfərin, aralarında yaşlı qadının da olduğu bildirilib.
Həyatını itirən digər şəxslərin şəxsiyyəti barədə hələlik məlumat verilməsə də, 3-ü ağır olmaqla 13 fələstinlinin yaralandığı bildirilib.
İsrail əsgərlərinin yaralıları çıxarmaq üçün təcili yardım maşınlarının əraziyə girməsinə icazə vermədiyini, Cenin Dövlət Xəstəxanasına qəsdən gözyaşardıcı qaz atdıqlarını qeyd edən Nazirlik, Beynəlxalq Qızıl Xaç Təşkilatı və Ümumdünya Səhiyyə Təşkilatına hücumların dayandırılması üçün təcili yığıncaq çağırıb.
İsrail qüvvələri son vaxtlar işğal altındakı İordan çayının qərb sahilində müxtəlif şəhərlərə reydlər keçirir və fələstinliləri həbs edir.
Xüsusilə Cenin və Nablus kimi bölgələrdə basqınlara etiraz edən fələstinlilərə tez-tez real güllələrlə müdaxilə edən İsrail əsgərləri ilə fələstinli qruplar arasında rezin güllələrlə yanaşı toqquşmalar da yaşanır.
Birləşmiş Millətlər Təşkilatının açıqladığı məlumatlara görə, BMT-nin 2005-ci ildə bölgədə qeydlər aparmağa başlamasından sonra 2022-ci il İordan çayının qərb sahilində ən qanlı il olaraq qeyd edilib.
Fələstin Səhiyyə Nazirliyinin məlumatına görə, İsrail qüvvələri 2022-ci il ərzində 48-i uşaq, 168-i işğal altındakı İordan çayının qərb sahilində və 52-si blokadada olan Qəzza zolağında olmaqla 220 fələstinlini qətlə yetirib.
İlin əvvəlindən 5-i uşaq olmaqla 24 fələstinli İsrail əsgərlərinin güllələri nəticəsində həlak olub.