Qarın gərmə və piy alma əməliyyatları arasındakı fərqlərdən bəhs edən Türkiyənin tanınmış plastik, rekonstruktiv və estetik cərrahiyyə mütəxəssisi Gökay Baykara qarın estetik əməliyyatı artıq piylərin və dərinin götürüldüyü, əzələ divarının gücləndirildiyi və qarın nahiyəsinin tamamilə yenidən formalaşdırıldığı bir əməliyyat olduğunu vurğulayıb.
Medianews.az xəbər verir ki, ekspert qeyd edib ki, liposaksiya bədənin müxtəlif yerlərində lokallaşdırılmış piylərin çıxarılmasına yönəlmiş bir prosedurdur. Bu proseslərin hər ikisi qətiliklə arıqlama üsulu deyil, bədəni formalaşdırmaq üsuludur:
“İllər keçdikcə piylər qarın ətrafında bədənin digər hissələrinə nisbətən daha çox yığılmağa meyllidir və ondan qurtulmaq getdikcə çətinləşir. Pəhriz və idmanın üstünlüyü mübahisəsiz olsa da, bəzən bu döyüşdə qalib gəlməyimizə kömək edəcək cərrahi prosedurlar var. Qarın gərmə əməliyyatı kimi liposaksiya da cərrahi müdaxilələrdən biridir. Hər ikisi bədənimizin konturunda yaxşılaşma təmin etmək üçün həyata keçirilir.
Yalnız piylər liposaksiya ilə alınır, digər tərəfdən qarın gərmə əməliyyatı ilə liposaksiya ilə yanaşı, məsələn, hamiləlik və ya həddindən artıq kilo itkisindən sonra bükülmüş qarın əzələləri sıxılaraq artıq dəri çıxarılır. Bu səbəbdən liposaksiya ilə yalnız piylər, qarın gərmə əməliyyatında isə dəri, piy və əzələlər müalicə olunur. Liposaksiya ilə əldə edə biləcəyimiz tək piy dərinin altında yığılan piyləri çıxarmaq olacaq və qarın və bağırsaq ətrafındakı piylərə heç vaxt müdaxilə edə bilmərik”.
Medianews.az