Almaniyanın Bavariya əyalətinin Garmiş-Partenkirxen şəhərindəki Elmau sarayında 3 gündür davam edən G7 Liderlər Zirvəsi başa çatıb.
Ev sahibi Almaniya kansleri Olaf Şolz yekun nitqi ilə çıxış edərək, 3 günlük sammitdə G7 ölkələrinin Rusiya -Ukrayna müharibəsi, inflyasiya, enerji təhlükəsizliyi və ərzaq böhranı kimi məsələləri müzakirə etdiyini bildirib.
Scholz, Rusiya ilə Ukrayna arasında davam edən müharibə üçün “Putin bu müharibəni qazanmamalıdır” deyib və əlavə edib: “Böyük yeddilik ölkələri olaraq Rusiyanın təcavüzünə qarşı qətiyyətimiz davam edəcək. Biz Ukraynaya kömək etmək üçün əlimizdən gələni etməyə razıyıq ki, Putin bu müharibədə qalib gəlməsin.
2022-ci ildə Ukraynaya maliyyə dəstəyimiz 2,8 milyarddan çoxdur. Yenə 29,5 milyard dollar ayırmağa hazırıq . Biz Ukraynanın yenidən qurulmasını başa çatdırmaqda qərarlıyıq. Biz Rusiyanın təcavüzünü bir daha pisləyirik. G7 ölkələri olaraq biz Elmau Sammitində Rusiyanın təcavüzünə qarşı durmaq əzmində olduğumuzu göstərdik. Fevralın 24-də başlayan bu hücum əslində dünya sülhü üçün dönüş nöqtəsi oldu. Heç bir şey əvvəlki kimi olmayacaq. Elmau sarayında G7 ölkələri, İndoneziya, Hindistan, Cənubi Afrika və Argentina ilə, o cümlədən bir çox beynəlxalq təşkilatlarla dünyamız və gələcəyimizlə bağlı görüşlərimiz oldu. Bütün bunlar demokratik ittifaqların böyük gücünü nümayiş etdirir”,-deyə Scholz bildirib.
Leyla, Medianews.az