İki gün öncə prezidentliyə namizədliyini irəli sürən keçmiş siyasi məhbus Vidadi İsgəndərli artıq AXCP sədri Əli Kərimlini ittiham etməyə başlayıb. Facebook səhifəsində yazdığı statusunda Vidadi İsgəndərli AXCP sədrinə zəng etdiyini və ondan sərt cavab aldığını bildirib. Bundan sonra AXCP sədrinə təhqirlər yağdıran hüquq müdafiəçisi bunları yazıb." Bu gün müxalifəti təmsil edən milli liderlərdən birinə telefon etdim bilirsiniz mənə nə dedi? gündə ona 9 million adam zəng edir hamısına cavab verməliyəm? Bəlkə də Elcibəyə etdiyiniz xəyanət unudulub ancaq mən siyasi karyeranı tapdalıyaram sənə salam verməzlər .Mənim əqidəmdə,amalımda,ideyamda ,sənin məkirli ideyandan təmizdir,safdır. !Şahin Həsənliin dosty! ,sirdaşı!. Sənin partiyanın üzvləri , Göyçay rayon şöbəsinin sədri məhkəmədə mənim üzümə durub,ev, vəzifə aldılar. Mənim partiyamın 9 milyon üzvü var. Hər gün mənə zəng edirlər. Telefonlarını götürüb dərdlərinə şərik oluram. Çünki mən siyasətdə Elçibəy tərbiyəsi almışam. Daha inisitutda oxuyanda komsomol, sonra "yurd"çu, sonra da yalançı Elçibəyçi olmamışam. 1995 ildə indi EL Hərəkatının lideri , o vaxt isə Heydər Əliyevin köməkçisi Eldar Namazovla "Qurd Qapısı" restoranında yeyib-içib 5 deputat mandatını kim aldı" Qeyd edək ki, Vidadi İsgəndərlinin statusunda xeyli təhqiramiz ifadələr olduğu üçün yazını redaktə edərək vermişik. Vidadi İsgəndərliylə birlikdə eyni cəzaçəkmə müəssəsində cəza çəkən keçmiş siyasi məhbus, AXCP üzvü Şahin Həsənli isə facebookda paylaşdığı statusunda hüquq müdafiəçisinə cavab yazıb. "Adi bir telefon danışığında yaranan anlaşılmamazlığı qabardıb şişirtmək nə etikaya nə də özünü "prezidentliyə namizəd" görən insana yaraşan hərəkət deyil. Mən dostum Əli Kərimli ilə fəxr edirəm. Hesab edirəm ki, Azərbaycan xalqının xoşbəxt gələcəyi Əli Kərimli ilə bağlıdır. Kimlərsə bu realllığı çoxdan dərk edib, kimlərsə bu gün dərk edir, kimlərsə sabah dərk edəcək".