Ukraynanın yeni hökumətinin ilkin strukturu açıqlanıb.
Medianews.az bildirir ki, plan bu nazir postlarını nəzərdə tutur:
xarici işlər naziri
müdafiə naziri
ədliyyə naziri
daxili işlər naziri
maliyyə naziri
energetika naziri
iqtisadiyyat və ekologiya naziri
aqrar siyasət naziri
rəqəmsal transformasiya naziri
icmalar və ərazilər naziri
infrastruktur və bərpa naziri
sosial siyasət, ailə və birlik naziri
veteranlar naziri
təhsil və elm naziri
səhiyyə naziri
mədəniyyət naziri
gənclər və idman naziri.
Bəzi nazirlər eyni zamanda baş nazirə müavinlik edəcək.
Parlament – Ali Rada iyulun 16-da prezident Vladimir Zelenskinin təqdimatına baxaraq Sergey Koretskini baş nazir təyin etməlidir.
İki gün öncə 2025-ci il iyulun 17-dən baş nazirlik edən Yuliya Sviridenkonun istefası rəsmiləşib.
Ölkədə hökuməti parlament formalaşdırır. Baş nazirin, xarici işlər və müdafiə nazirlərinin namizədliyini prezident, qalan hökumət üzvlərinin namizədliyini baş nazir verir.
Ali Radada Vladimir Zelenskiyə bağlı Xalq Xidmətçisi Partiyası və müttəfiqləri çoxluqdadır.
1978-ci il təvəllüdlü Sergey Koretski avtomobil və avtomobil təsərrüfatı, iqtisadiyyat, neft və qaz hasilatı üzrə üç ali təhsil alıb.
1997-2018-ci illərdə “Kontinium” yanacaq holdinqində məsul vəzifələr tutub, o cümlədən baş direktor olub. 2018-ci ildən müxtəlif biznes layihələrinə yön verib, 2022-ci ildə “Ukrnafta” və “Ukrtatnafta” müəssisələrinin direktoru, 2025-ci ildə “Naftoqaz” şirkətinin rəhbəri seçilib.
Toğrul Əli,
Medianews.az