İranın nüvə proqramı ilə bağlı mübahisədə ABŞ ölkəyə təzyiqi artırır. ABŞ prezidenti Donald Tramp Tehranın indiyədək reaksiya verməməsinə təəccüblənir. Bunu onun xüsusi elçisi Stiv Uitkoff “Fox News” telekanalına müsahibəsində deyib.
Medianews.az-ın məlumatına görə, Stiv Uitkoff bildirib ki, İran regionda ABŞ-ın gücləndirilmiş hərbi mövcudiyyətinə və davam edən təhdidlərinə baxmayaraq “təslim olmur”.
Uitkoffun sözlərinə görə, Tramp İran hökumətinin mövqeyinə “maraq göstərir”, çünki o, İranın nüvə proqramı üzrə razılaşma əldə olunmadığı təqdirdə ciddi nəticələr barədə xəbərdarlıq etmişdi.
Müsahibəsində Uitkoff deyib: “‘Məyus sözünü işlətmək istəmirəm, çünki Prezident Tramp bilir ki, çoxsaylı alternativləri var, amma maraqlıdır ki, niyə onlar – “təslim oldular” demək istəmirəm – amma niyə təslim olmayıblar? Bütün bu təzyiqi, oradakı dəniz qüvvələrini nəzərə alıb niyə bizə yaxınlaşmayıblar?”
Uitkoff vurğulayıb ki, İran rəhbərliyini geri addım atmağa razı salmaq “bir qədər çətindir”.