Bloqçu Fərid Pərdəşünas sosial şəbəkələrin azərbaycanlı istifadəçilərinə çağırış edib.
Medianews.az-ın məlumatına görə, o, bildirib:
“Regionumuz rəsmən qan gölüdür. Məsələnin qəliz tərəfi odur ki, tarixən belə olub. İndi də nəsə dəyişməyib, davam edir. Böyük ehtimalla da bir neçə yüz il davam edəcək.
Vəziyyət belə olanda, sən istəsən də, istəməsən də, qan üzərinə sıçrayır. Necə ki dünən bunun şahidi olduq.
Belə vəziyyətdə Azərbaycan hakimiyyəti lazımi olan diplomatik, ehtiyac yarandığı anda hərbi addımları ata bilir.
Biz cəmiyyət olaraq - rəy liderləri, ictimai fikir formalaşdıran şəxslər, sosial şəbəkə istifadəçiləri cəmiyyətə, vətəndaşlara qarşı bölücü, dağıdıcı fikirlər səsləndirməkdən çəkinməli və vahid düşüncə olaraq 1 nömrəli məsələ kimi Azərbaycanın və öz vətəndaşlarımızın təhlükəsizliyini öndə tutmalıyıq.
Hansı paylaşımı açırsan kimsə kiminləsə dava edir, söyür. Hərə bir tərəf tutur, qütbləşir. Başa düşməliyik ki, bizim bir tərəfimiz var, o da Azərbaycandır. Baş verənlər idman və ya kompüter oyunu deyil. Müharibədir. Hər fikir, hər söz yüz ölçüb, bir biçilməlidir”.