İngiltərə millisinin sabiq hücumçusu Alan Şirer DÇ-2026 yarımfinalında Argentina ilə qarşılaşma öncəsi proqnozunu açıqlayıb.
Medianews.az xəbər verir ki, Şirer İngiltərənin baş məşqçisi Tomas Tuxelin komandasının finala yüksələcəyinə inandığını bildirib:
"İngiltərə şübhəsiz finala çıxacaq. Argentina qol buraxacaq, biz isə qol vuracağıq. Möhtəşəm oyun və 3:2 hesablı qələbə gözləyirəm. Bellingem və Keyn bizim əsas silahlarımızdır, nəticəni onlar müəyyən edəcək".
Qeyd edək ki, İngiltərə–Argentina yarımfinalı iyulun 15-də Atlantadakı "Mercedes-Benz Stadium"da keçiriləcək. Qarşılaşmanın qalibi finalda Fransanı 2:0 hesabı ilə məğlub edən İspaniya ilə üz-üzə gələcək.
Medianews.az