Çin Milli Statistika Bürosunun (NBS) 19 yanvar bazar ertəsi günü verdiyi məlumata görə, Çin əhalisi 2025-ci ildə 3,39 milyon azalaraq 1,404 milyarda çatıb.
BAKU.WS xarici mətbuata istinadən xəbər verir ki, bu, 2024-cü illə müqayisədə 3,39 milyon azalma deməkdir.
NBS-in veb saytına görə, 2025-ci ildə doğum nisbəti hər min nəfərə 5,63, ölüm nisbəti isə hər min nəfərə 8,04 təşkil edib. 2025-ci ildə Çində kişi əhalisi 716,85 milyon, qadın əhalisi isə 688,04 milyon olub.
1 yanvar 2026-cı ildə Çin prezervativ və doğum nəzarət həblərinə əlavə dəyər vergisini bərpa edib. Hökumət bu qərarı doğum nisbətini artırmaq üçün verib.
Qeyd edək ki, 2022-ci ildə Çində 60 ildən sonra ilk dəfə əhali azalması qeydə alınıb.
