"Tikilməkdə Olan Obyektlərin Müdiriyyəti" publik hüquqi şəxsi Qaracuq magistral kanalının yenidən qurulması üçün tender elan edib.
Medianews.az Oxu.Az-a istinadən xəbər verir ki, qurum görüləcək işlər müqabilində ümumilikdə 13 milyon 467 min 465 manat ödəməyi planlaşdırır.
Tenderdə iştirak haqqı 2 020 manat müəyyən edilib. Tender 16 iyun saat 17:00-da keçiriləcək.
Qeyd edək ki, Naxçıvan Muxtar Respublikasında yerləşən Qaraçuq magistral beton kanalı Tumbul, Böyükdüz, Xok və Əliabad kəndlərinin minlərlə hektar torpaq sahəsini suvarma suyu ilə təmin edir. 2024-cü ilin fevral ayından etibarən kanalın yenidən qurulması üçün texniki-iqtisadi əsaslandırma və layihə-smeta sənədlərinin hazırlanmasına başlanılıb.